ENGLISH DESCRIPTION

HAUSA DESCRIPTION

Me zai faru idan soyayya, sadaukarwa, ciwo, da tsananin tarbiyya suka haɗu a gida guda?

Rubutaccen Al'amari ba kawai labarin soyayya ba ne. Labari ne mai cike da hawaye, dariya, tausayi, rikici, sirrin iyali, da gwagwarmayar rayuwa da za su taɓa zuciyarka.

Dr. Umar Faruoq babban likita ne mai tsananin ƙaunar ƙannensa, musamman Usman, matashin da ke rayuwa da wata mummunar cutar zuciya wadda ke sa kowace rana ta zama sabon gwaji. A shirye yake ya sadaukar da komai domin kare rayuwar ƙaninsa. Amma wannan kulawa ta sa wasu suna kallonsa a matsayin mai tsananin hali da rashin sassauci.

A gefe guda kuma akwai Ummul Khairi. Kyakkyawar budurwa mai zuciyar soyayya wadda ke mafarkin rayuwa tare da masoyinta Mustapha. Sai dai tsauraran dokokin Hamma Umar suna zama babban cikas tsakanin zuciyarta da burinta. Yayin da take ganin ana tauye mata 'yanci, shi kuma yana ganin yana kare mutuncinta da makomarta.

Usman kuwa shi ne farin cikin gidan. Dariyarsa tana sa kowa farin ciki, amma a bayan murmushinsa akwai wani babban sirri da yake yaƙi da shi a kowace rana. Shin zuciyarsa za ta ci gaba da bugawa? Ko kuwa wata rana wannan farin cikin zai zama tarihi?

Yayin da soyayya ke ƙara ƙarfi, rikice rikice suna ƙara bayyana. Sirrika suna tonuwa. Hawaye suna zuba. Zukata suna gwabzawa tsakanin ƙauna, biyayya, kishi, sadaukarwa, da ƙaddara.

Shin Ummul za ta iya kare soyayyarta daga tsaurin Hamma Umar?

Shin Mustapha zai iya tsayawa tsayin daka wajen neman matar da yake so?

Shin Usman zai samu rayuwar da yake mafarki ko kuwa ciwon zuciyarsa zai sauya rayuwar wannan iyali har abada?