You Cannot Download this book untill you login but you can read it .

---

Login Register

wa’dannan sune garkuwarki a gidan miji idan kika rik’esu kin samu makamin k’are
dangi.” Ina sallahr ina hawaye na kaiwa Allah kuka na, na bayyana masa rauni na na
kuma rok’eshi ya shige min gaba a dukkan lamari na.”


Ban tashi daga sallaya ba sai k’arfe uku da naji kaina ya fara ciwo abin mamaki sai
na ji na samu k’arfi da nutsuwar zuciya. Na ji komai ya faru gareni daga Allah yake
duk da tabbas Ustaz ya cuceni. Abu guda nafi buk’ata a yanzu na ji dalilin sakin da
ya yi min, sai dai na yi alk’awarin ni da kai na ba zan sake tambayarsa ba don ko
don ganinsa bana yi.



Barci ne sosai ya d’auke ni, kasancewar garin sanyi ne dare yana tsawaita don haka
sallar asuba sa daf da k’arfe shidda ake yi, shi yasa na samu barci sosai duk da ba
wai zance na yi isashshe ba ne. Ina sallame sallahr ko kayan sallar ban cire ba na
fice da su da sauri a jikina.


Shiru layin amma a haka na dinga tattaki har na je bakin titi. Allah kuma ya
taimakeni na samu adaidaita sahu. “Shara’da phase 2 kawai nace masa.



Har k’ofar gidanmu ya ajiye ni ta hanyar kwatance da na masa.

Duk da a tsorace nake da ganin Abbana hakan bai hana ni shiga gidan da k’warin
gwiwata ba. Y’an biki ko watsewa ba su yi ba, don wasu daga garuruwa daban daban
suka zo. Sai dai gidan shiru da alama kowa gajiyar biki ta saka ana sallah an
kwanta sai wa’danda suke aiki a bayan gidan ta can na dinga jin d’an hayaniya da
sautin kwanuka na tashi.


Jama’ar da suke kwance a
Parlor wa’danda duk k’annen Mami na ne da na Umma na suka dinga bi na da kallon
mamaki baki a sake. Anty Sharifa ta ce “Ke AYSHA lafiya?” Mami da fitowarta daga
d’akinta kenan itama hangame bakin ta yi tana ware ido ta furta “Ni Fa’dima me Zan
gani haka? Ke Aysha Uban me ya fito da ke da sassafe haka?” Ta fa’da tana jan
hannuna hankali a tashe ta furta “Ai dama sai da na gayawa Abbanku kin yi
k’ank’anta da aure, shekara sha bakwai don ko sha takwas d’in baki cika ba, yanzu
haka wani bak’on al’amari kika gani da yafi k’arfinki yasa kika gudo?” Anty Sharifa
k’anwar Umma ta ce “Ah haba! Sai kace ba y’ar yanzu ba, ai duk da take k’anwar Maza
na san ta san me aure ya k’unsa ko da ta hanyar k’awaye da karance karancen
littafine…” Mami ta d’an harareta “Me AYSHA ta sani? Karatun littafin take ita? Ko
k’awayen arziki AYSHA bata da su balle su sanar da ita aure da abinda ya k’unsa…”
Ta fa’da tana jan hannuna muka shige Uwar d’akinta.


Zaunar da ni ta yi a bakin gado, bayan ta koma ta rufe d’akin da key tana furta
“Bana son saka ido da munafunci yanzu duk ido zai dawo kan ki, kema kin yi wauta
Aysha. Me ya kai ki fitowa don kawai Mijinki ya kusanceki Ai shine auren muma duk
haka ake mana da haka kuma kowa yake sabawa… kowace macen aure da kika gani haka ne
yake faruwa da ita koda yaushe, don haka tun kafin sauran mutane da Ubanki su ji ki
tashi maza naje na mayar da ke, bana son na ji komai wannan sirrinki ne ke da
Mijinki. Maza tashi mu tafi kafin mutane su fara miki kallon mara wayo mai gudun
Miji.”

Hawaye ne suka fara zuba min, ganin ita Mami na inda take hange daban da abinda ya
kawo ni gidan. Na turo bakina ina furta “Ni fa ba wannan bane, ko hannu bai rik’e
min ba fa.”

Mami ta d’an bu’de idonta ta furta “To menene idan ba wannan ba?” “Ya sake ni…”
Wani irin ja da baya Mami ta yi idonta a waje tana kallona baki a bu’de ta shiga
shock sosai cikin wani irin yanayi ta furta “What? Ya sake ki Aysha? Shi Ahmad d’in
ne ya sake ki? A kwana guda da kika yi a gidansa to Uban me kika masa?” Hawaye ne
suka fara ambaliya a fuskata na gayawa Mami duk abinda ya faru ban b’oye mata komai
ba. Dariya Mami ta yi tana furta “Sharrin D’a Namiji! Ga abinda nake gudu ya zo.
Sai ki tashi mu je wajen Abbanki na bashi tukuicin alheri da Ahmad ya kawo masa, ya
mayar masa da y’a k’aramar bazawara Ahmad dai mai nagartattun halayen da Ubanki
yake faman b’ab’atu akai.” Ido na waro waje ganin tana ja hannuna “Tashi mu je
mana.” Na ja hannun ina girgiza kai “Mami, ba zan iya zuwa wajen Abba ba, Allah ina
tsoro, ban san yarda zai d’au lamarin ba.” Wani kallo ta min cikin b’acin rai ta
furta “Tashi na ce miki mu je ko? Iyakacinsa dai dake fa’da, tunda ba zai iya zare
miki ranki ba.” Ta fa’da a fusace ta kuma fincikeni muka fita wajen.


Abin haushi Jama’a an fito gaba d’aya kowa sai baza ido yake ana kallon mu. Kallo
guda Mami ta musu suka dinga bajewa suna ba mu hanya. Ban yi mamaki ba don ni da
kai na na san an samu topic.



Abba na zaune yana lazimin safiya. Umma ce a gefensa tana ha’da masa coffee da ya
saba sha duk safiya. Da alama shi bai san abinda ya faru ba. Balle Umma da tun
jiyan bata fita daga sashensa ba.


A razane duk suka zuba mana idonsu musamman Umma da har Cokalin hannunta yake
fa’duwa. “FATIMA lafiya kuwa? Naga Aysha da sassafe.” Umma ta fa’da tashin
hankalinta na sake bayyana a saman fuskarta.

Zama Mami ta yi a gefen Kujerar da yake kusa da Abba, ta saka ni a gefenta ta furta
“Lafiyar kenan Umma, sai dai d’an gaban goshin naku ya muku Aiken tukuicin
sakamakon alherin da kuka masa…”

Abba da yake laziminsa ya d’ago ya d’an zubawa Mami ido don ya san halin kayarsa
sarai danger ce wutar baya. Umma kuwa cup d’in ta ajiye tana sake furta “Me ya faru
to? amma fa Mammin Aysha ya kamata ki yiwa y’ar taki fa’da ta san fa ta girma, aure
kuma ba wasan yara ba ne. Idan ban da shashashanci menene na dako wannan Uban
sammakon, koma menene ba ga waya ba me yasa ba zata sanar miki ba? Sai ta d’ebo
jiki ta taho ta saka y’an biki su tafi da ita a bakin duniya tunda ko gama watsewa
ba su yi ba. Aa sam wannan wauta ce da shirme.” Mami wani kallo ta mata sai kuma ta
cije baki.

“Kamawa ta yi, ta dako uban sammakon babu gaira ba dalili ba abinda zai sakata
fitowa daga gidan Mijin da aka kai ta jiya.” Mami ta fa’da tana hura hanci da
jijjiga k’afa. Umma dai shiru ta yi don ba mamaki ta lura idan ta cigaba da magana
tata ce zata yi zafi.
Abbana yana jin su bai yi magana ba ya cigaba da laziminsa. Sai da ya idar sannan
ya ‘d’au coffee d’insa ya shanye ya zuba min kallon da na kusan jin kayan cikina
suna shirin fitowa. “Ke wace irin shashasha ce Aysha? Daga kai ki gidan Miji jiya
yau ki fito? Kin d’auka auren wasa ne? Me ya fito da ke?”

Madadin amsa masa jiki na ne ya dinga rawa kamar yarda zuciyata take bugawa. “Ba
magana nake miki ba?” Ya sake fa’da da Tsawar gaske, hakan da yasa har ban san
sanda na rik’e Mami da kyau ba ina makyarkyata “A’a Alhaji, kada ka sake hargitsata
Ai ba laifinta ba ne fitowar dole ne ta fito tunda ya saketa…..” Gaba d’aya bakinsu
a ha’de suka furta “Saki Fatima?” Ta jijjiga kai tana murmushi ha’de da furta
“Sakamakon halaccin da kuka masa ne, duk duniya kuna ganin ba wanda ya cancanta
kamar Ustaz Ahmad. Kullum zancenku nagartaccen mutum ne mai ilimin addini da ya
shahara a duniyar Malamai. Yau ga ilimin nasa nan ya fara nuna muku….” D’akin tsit
ya yi Abba jikinsa har rawa yake. Umma kuwa zama ta yi jab’ar a k’asa ta rik’e
kanta kawai jikinta na rawa….



𝔍
𝔯𝔥
𝔞
𝔦𝔨 𝔢𝔰
𝔞
𝔑
★✍️
[8/5, 1:21 PM] Nazeefah Nashe: Open this link to join my WhatsApp Group:
https://chat.whatsapp.com/LSB89Dp71pHETB3hpaWohR


NAGA RAYUWA♥︎
♥︎♥︎


𝒩𝒶𝓏ℯℯ𝒻𝒶𝒽 𝒩𝒶𝓈𝒽ℯ★✍️

Free Book.. MIKIYA WRITERS ASSOCIATION




Arewabooks @nazeefah

Wattpad@Nazeefah381

08033748387.

𝒫𝒶ℊℯ 4..



Da mamaki Umma take kallonta su Yaya Muhammad suma suka zuba mata ido. Ya Usman da
ya kasa shiru ya ce “Au ke kuma auren ne ba kya son ta yi? Shi yasa zata ke k’unshe
fuskarta, amma kamar wannan ba dabara ba ce..” Harara ta watsa masa tana furta “To
kanari Uban surutu, ni na ce maka bana son ta yi aure? Auren ne dai ba yanzu zata
yi shi ba sai ta yi dogon karatun da na tabbatar zata iya k’watar y’ancin kanta a
Wajen namiji sannan zan amince ta yi aure, haka kawai ba za’a aurar da ita da duhun
kai ba shikkenan ta zama sai kace baiwa wajen namiji…” Cikin mamaki suka zuba mata
ido, Umma kanta ta yi mamakin furucin Mamin, sai dai data tuna Mamin gidansu
gangariyar y’an boko ne sai bata yi mamaki ba ta saki ajiyar zuciya kawai tana
furta “Allah ya taimaka, ya nuna mana lokacin…” Yaya Muhammad gyara zama ya yi yana
tab’e baki ya furta “Amma dai wannan kamar ba shawara ba ce mai b’illewa, Saboda
kowa yanzu burinsa a ce y’arsa ta yi aure sai ta yi karatun a nata gidan Mijin….”
“Sai ka bari sai ka haifi taka y’ar Muhammad ba wannan ba…” ta fa’da a zafafe tana
nuna ni. Ta ja hannuna muka wuce samanta.
Tana banbamin fa’da har da rantsuwar nan gaba idan Muhammad bai yi wasa ba sai ta
mare shi.
A kashegarin ranar kuwa bayan na yi wanka Mami ta tsantsara min kwalliya cikin
shigar kayan hausawa da suka min matuk’ar kyau. Murna na dinga yi don kam dama ina
son su Mamin ce bata ba ni damar sakawa ba.


Sanda na fita tsakargida idanun masu aiki duk a kaina suke, sunan ta dariya ganin
kwalliyar da aka min. Har Iya ta kasa shiru ta ce “Lallai Aishatun Mami ta girma…
Ma sha Allah a yi shekaru irin na dabino.”


Abba da yake zaune daga can gefe shi da su Yaya Muhd, baki sake ya dinga kallona
yana furta “Inye Aishatun ba, irin wannan
Kwalliya haka? Waye ya siyo
Miki kayan hausawa…” ina dariya na zauna daf da shi an furta “‘Mami na ce, ita ta
siyo min su da yawa ta ce na daina saka wa’dancan kayan yahudun.” Jan hancina Abba
ya yi ya ce “Ai ke ce Yahudun.” Sannan ya juya yana kallon su Ya. Muhd ya furta
“Kun ga abinda na gaya muku ko? Na gaya muku kada ku tada hankalinku a kan yarinyar
nan Fatima ba zata yi sanadin gurb’acewar tarbiyyarta ba..Fateema mace ce data san
abinda take yi.” Shiru su ka yi suna cigaba da shan kununsu Ya Ali ne ya furta “Ba
shakka, to Allah yasa dai ba da wata manu…” wani kallo naga Umma ta masa sai ya ja
bakinsa ya tsuke yana dariya.


Tun daga ranar ya zama na saba saka kayan hausawa, kuma ko aike na waje za’a yi
Mami na bata bari na fita ba nik’ab har hakan ya zame min
Jiki. Sai dai a fuskar Umma
Wani lokacin ina kallon yanayinta kamar hakan baya mata da’di, sai dai ba yarda
zata yi ne. Duk inda na je kuwa sha’awar shigata ake, don kowa ya ganni ya san
d’iyar wacece? D’iyar mace mai mutunci wacce ta san ciwon kanta, kuma yake bawa
y’arta tarbiyya, ba wacce da kanta take saka y’a’yanta shigar banza ba don kawai su
kawo mata mazan aure ta dinga kuma zuga su da fa’din sun yi kyau.


Sanda na fara period kuwa, Mami hana aikena ta yi. Saboda wani irin kyau da na
dinga zubawa, mak’erin y’an mata na ji suna cewa ya fara k’era ni. Don haka ta
shiga taka tsantsan da ni. Idan Ya. Muhd ya yi magana ta hau masa masifa don haka
ya gani ya zuba mata ido kamar yarda kowa ya yi.

Sanda maganar aurensu ta bujiro da y’ay’an abokin Abba Mami na jin iya secondary
kawai suka gama. Ta dinga tab’e baki tana fa’din “Amma Sadik kun yi bak’ar dabara,
yanzu meye riba a auren k’wailayen mata?” Ya Muhd don takaici kasa mata magana ya
yi, Ya. SADIK MURMUSHI ya saki yana furta “Ai auren irinsu Mami ya fi riba, ko
bakomai zasu bi duk wani tsari da aka shar’anta musu..” Ta ja tsaki ta furta
“Mugunta zaku musu ba, ai shikkenan shi yasa duk bala’i ba zan yarda AYSHA ta yi
aure daga gama secondary ba dole ko degree sai ta yi, idan ma bata yi masters ba…”
Ya Muhd da yake tsaye ya tura hular sa goshi yana furta “A dai rage dogon buri,
idan yarinya ta yi girma da yawa yanzu mazan ma gudun aurenta suke, don sun san
tafi k’arfinsu…” Yana ji ta k’unduma wani zagi ya shige d’akinsu yana dariya.


Haka kuwa aka yi, bayan wani lokaci aka gudanar da bikin Ya. Muhd da Ya sadik. Muhd
da Khadija, Yaya Sadik kuma da Nafisa a lokacin ina Js 3. Amma duk wata cika ta
matantaka ta bayyana a surar jiki na.



✍️
Ina SS 2… al’amarin ya faru. Mun taso daga Islamiyya ni da k’awata Asma’u, muna
tafe muna hira a hankali cikin nutsuwa. Ranar ganin ba kowa a layin sai na ‘dage
hijabi na. Asma’u ta kalleni da mamaki ta ce “Yau kuma Aysha? Lallai kina son idan
Mami ta ji labari har ni ta ha’da ta ci mutunci na kenan?” Tab’e baki na yi, ina
yamutsa na fuska na ce “Ai layin ba kowa….kuma ma waye bai sanni a layin nan ba?”
Cigaba ta yi da bani labarin wani series da ake yi a Mbc bollywood wanda na yi
missing ban kalla ba, sabida girki da Mami ta saka ni a daidai lokacin.


Murmushi kawai nake saki… Zuciyata ce ta wani irin bugawa daidai lokacin da muka
ha’da ido da shi yana tsaye a gefen wani gida da ake gini ba’a k’arasa ba…” Da
sauri na ja nik’ab d’ina na mayar ina jin yarda sautin bugun zuciyatta ya tsananta.
Tabbas na san fuskarsa a sunna t.v matashin Malamine da yake tafseer a duk azimi.
Ba wanda bai san Ustaz Ahmad ba. Saboda yarda yake d’an gayu komansa mai kyau ne
yana kuma ji da tashen Naira. Asma’u ta furta k’asa k’asa “Ke AYSHA kamar Dr. Ahmad
sulaiman ko?” Ban amsa mata ba, k’irjina dai ya cigaba da bugu. Sam zuciyata kasa
cigaba ta yi da saurarar labarin da Asma take bani saboda wani yanayi da na fa’da
mai girman gaske..


Tabbas tunda nake ban tab’a ganin mutumin da jallabiyya ta yiwa kyau kamar wannan
mutumin ba. Ga wani azababben k’amshin turarensa da ya maye wajen gaba d’aya. A
kallon da na masa sai naga ashe har ya fi kyau a fili. Yana da haske sai dai ba
sosai ba. Idanunsa farare tas kuma mayalwata. Cikakkiyar gira ce da shi da gashin
ido kamar yarda gashin kansa yake cikakke kuma bak’i si’dik. Duka wannan na gani ne
a guntun kallon da na masa.


Asma tana shiga gida nima na fa’da gidanmu da sauri tunda mak’ota muke da su. Shi
kuma Ustaz gidan da yazo gidan yana kallon gidanmu.


Ban bari kowa ya ji shigowata ba na haye sama da sauri na shiga d’akina. Haka kawai
nake don sake ganinsa don na san windown d’akina yana kallon gidan da yazo. Ina
d’aga labulan kuwa na hango shi yana tsaye still suna magana da Lawal da ya kasance
d’an mak’otan mu. Idanunsa na ga ya juyo yana kallon gidan mu kamar mai nazarin
wani abu… Daidai lokacin Mami ta shigo tana k’wala min kira. Da sauri na saki
labulan windown alamar rashin gaskiya bayyane k’uru k’uru a cikin idanuna. Ba ta yi
min magana ba sai takowa da ta yi zuwa gaban windown ta d’aga labulan tana furta
“Uban me kike kallo anan d’in?” Idanunta ya sauka akan Ustaz da sauri ta juyo tana
kallona baki sake ta furta “Namiji kike kallo Aysha? To Uban me ya ha’da ki da
shi?”


Hantar cikina ta ka’da… bakina na rawa na furta “Babu komai Mami….




𝔍
𝔯𝔥
𝔞
𝔦𝔨 𝔢𝔰
𝔞
𝔑
★✍️


Wancan group d’in ya cika Wanda Bai samu Shiga group 1 ba ya Shiga 2. Amma don
Allah idan kana group 1 kada ka Shiga 2 don duk Abu d’aya ne.


A shiga group, ba Zan juri posting a kowane group ba, ba kuma Zan juri a dinga cewa
Na tura daga farko ta private ba. Hankalinka kwance ka shiga group kawai.
Nagode[8/5, 1:21 PM] Nazeefah Nashe: NA GA RAYUWA♥︎
♥︎♥︎


𝒩𝒶𝓏ℯℯ𝒻𝒶𝒽 𝒩𝒶𝓈𝒽ℯ★✍️

Free Book.. MIKIYA WRITERS ASSOCIATION




Arewabooks @nazeefah

Wattpad@Nazeefah381

08033748387.

𝒫𝒶ℊℯ 5.



Mami ta zabga tsaki tana sakin labulan tana kallo na ta furta “Idan ma shi kike
kallon, ki tsaya ki saurareni da kyau.” Ta fa’da tana jan kunnena “Koda wasa kada
ki sake ki saka wani namiji a ranki, a yanzu dai kam don ko me zai faru ba zan bari
a aurar da ke ba, sai na cika burina na kin zama wani abu a fannin ilimin boko.”
D’aga kai na na yi, ina lumshe idona. Ta fice da sauri ina jin b’acin rai ma ya
mantar da ita abinda ya kawo ta.

Bu’de idona na yi a hankali ina sakin ajiyar zuciya. Ba tare da damuwa ba na sake
yaye labulan d’akin. Daidai lokacin da Ustaz ya d’ago yana sake kallon gidan mu,
ban damu ba na tsaya na kalleshi sosai don na san ba zai ganni ba, glass d’in yana
da duhu daga waje ba’a ganin wanda yake ciki.


Na saki ajiyar zuciya ina kallon sanda ya shiga motar sa yana sake bawa Lawal hannu
suka yi misabiha. Ya ja motar ya bar wajen. “Allah ya yi halitta…” Na furta a
hankali ina kai wa saman gado na zauna. Har a lokacin yanayin bugun zuciyata bai
koma daidai ba.


Shikkenan na samu abin yi tun daga ranar da na gan shi, ban sake komawa daidai ba.
Kullum cikin tunaninsa nake da burin sake ganinsa koda sau ‘d’aya ne a rayuwata.


Ranar da sati ya zagayo ranar wata lahadi still mun dawo Islamiyya da Asma’u kamar
wancan lokacin. Asma ce take ta surutunta ni kuwa bakina shiru, don wani irin
yanayi nake ji a zuciyata ga bugun zuciyartawa ya sauya. Muna doso layinmu na ji
mayataccen k’amshin turarensa wanda ba zan tab’a mantawa ba. Da sauri na sauke
Nik’ab d’in don kuwa na tabbatar shine duk da bayansa kawai na gani still sanye
yake da jallabiya mai kyau brown kansa da hula tashi ka fiya nace mai tsadar. Muna
doso ta inda suke zamu wuce don dole sai ta nan d’in na ji k’afafuna sun fara rawa
kamar ba zasu d’aukeni ba. Duk da nik’ab ne a idanuna na ga ya ‘dago yana kallon
inda muke sai kuma suka yi shiru da hirar da suke. Da k’yar na saita kaina na nutsu
muka shige su. Sai da na shiga gate d’in gidanmu sannan na saki ajiyar zuciya a
hankali ina furta “Ya rabbi! Me ke faruwa da ni ne?”



Bayan kwana biyu ina zaune a ajin mu ja Islamiyya. Aka aiko kirana. A matsayin da
nake kai na shugabar makaranta na san ba wani abu bane don an aiko kirana d’in,
amma wannan karan sai na ji zuciyata ta buga sosai. Ido na tsurawa mai kiran nawa.
Har ya ji haushi ya furta “AYSHA magana fa nake.” Da sauri na amsa da “To gani
nan.”


A Office d’in Headmaster na tsaya ina knocking a hankali. Muryar Malam d’in na ji
yana furta “Bismillah Ayshatu…” Na yi sallama na shiga, k’amshin turarensa ya doso
hancina har ban san sanda na ware ido ganin Ustaz a zaune ba idonsa akan wani
littafi da ke hannunsa. Wallahi Allah ne ya yi ba zan fa’di ba, Saboda zallar
rashin nutsuwa. Sunkuyar da kaina na yi ina wasa da yatsuna. Har Malam ya gama
rubutunsa ya d’ago yana kallona “Gaisuwa fa Ayshatu?” Da sauri na juya na kalli
Ustaz da ya yi kamar bai san da ni ba a wajen. “Ina yini?” Bai d’ago ba na ji dai
ya masa murya a k’asa “Lafiya..” D’an tab’e bakina na yi duk da na ji haushinsa, na
mayar da hankalina kan Malam. “Ki je maza ki sanar da duk ajujuwa akwai assembly
idan an idar da sallah..” Na amsa da sauri don burina fita daga office d’in kafin
halin da nake ciki ya bayyana…”



Haka kuwa aka yi, ana idar da sallah ba wanda ya tashi daga babban filin harabar
makarantar. Kowa ya zauna ya kuma nutsu ana jiran fara assembly. Duka Malaman
makarantar suna zaune sun kame akan kujerunsu. Mu kuma muna tsaye don lura da masu
surutu. Wajen tsit baka jin saurin komai. Malam Kawu ne ya nuna ni da nufin nazo
wajensa. Ina isa ya furta “Ki fara karatu, Yanzu Malam Babba zai zo.” Na mik’e na
d’au speaker d’in ina fara karatu ya yi daidai da shigowarsu. K’asa kawai na yi da
kai na na cigaba da karatuna kawai cikin muryar Shureim da na k’ware da karatu da
ita. Ina kallo Ustaz kawai ya lumshe idonsa yana jijjiga k’afa a hankali.


Sai da nace sadak’allahul azeem sannan ya bu’de idon nasa ya sauke su a kaina. Ji
na yi tsigar jikina ta tashi. Da k’yar na ja jiki na koma inda nake na zauna don
kam ba zan juri tsayuwa ba.


Malam Ahmad ne ya fara jawabi da sanar da su babban cigaban da makaranta da ta samu
na zuwan Ustaz Ahmad da son d’aukar wani darasi a makarantar…” Kabbara da ihu
d’aliban suka saka cikin matuk’ar murna da farin ciki.



Bayan ajiye loudspeaker d’insa Malam Kawu ne ya d’auka ya ‘dan yi barkwancinsa
sannan ya sanar da cewa ya barwa Ustaz abinda har zuwa sanda zai bar makarantar.”
Ta cikin nik’ab na ware ido jin abinda ya ce don ajin Malam kawu nan ne ajin mu,
gefe guda kuwa na zuciyata wani irin farin ciki ne mara misali a cikinta. Haka aka
tashi zuciyar kowa cike da farin ciki. Ina ji y’an mata suna ta yaba Ustaz haka
kawai sai na ji raina ya b’aci tsananin haushi ya shiga zuciyata, ban sani ba ashe
wannan shine kishi.



Kashegari da wani irin ‘doki na yi shirin makaranta, karo na farko har da mutstsika
Lipstick a lab’b’ana sai naga na yi kyau da sauri na saki nik’ab d’ina tun kafin
Mami ta gan ni da jambaki ta min masifa.

Sai dai na makaro ina d’aga kai na hangota ta cikin mudubi fuskarta a ha’de take
kallona. Ta iso inda nake zuciyata ce ta dinga harbawa da k’arfi. Saka hannu ta yi
ta cire nik’ab d’in, ta kuma saka yatsa tana zagaye lab’b’ana tana sakin murmushi
ta furta “Jambaki AYSHA? Jambaki kika saka zaki makaranta? Me kike son b’oye min
ne?” Lumshe idona na yi ina jin zuciyata na bugu da mugun k’arfi. “Kada ki fara
AYSHA, kada ki fara abinda zamu zo muna k’aramin yak’i da iyayenki a gidan nan.
Goge shi tas idan baki yi wasa ba tsaf zan cireki daga Islamiyyar na samu Malamin
da zai dinga koya miki…” Da sauri na rik’e hannunta “Don Allah Mami kiyi hak’uri
kada ki raba ni da makarantata, In sha Allah ba zan sake sakawa ba. Kuma wallahi
bana kula kowa ko Asma ki tambaya…” Murmushi kawai ta saki ta janye hannunta. “Zan
bincika..” Daga haka ta fice bayan ta saka ni na goge jambakin dama ni ko kalli
bana sakawa ina da kwallina daga indallahi. Na saki ajiyar zuciya ina fita daga
d’akin.



Shiru makarantar da alama ni da Asma ne muka fara zuwa. Muna shiga aji Asma ta fice
don itace da Duty ranar. Sai na zauna ni ka’dai na bu’de kur’ani na soma tilawa.
Don dokar Tahfiz ce duk wanda ya fara zuwa shi yake fara karatu a lokacin….


K’amshin turarensa da sallamarsa ne ya saka ni yanke karatun cikin fa’duwar gaba.
Na kuma kasa bu’de baki na amsa sallamar…


Tsaye ya yi yana kallona bai shigo ajin ba, ga shi nik’ab d’ina a d’age yake. Na
saka hannu zan ja nik’ab d’in k’asa ya furta “Ba kya amsa sallama ne Malama…”
Wallahi jin muryarsa ka’dai sai da ya razanar da zuciyata. Muryata na rawa na ce
“Alaykassalam…” Murmushi ya d’an saki ya isa wajen zamansa. Sai da ya zauna ya
furta “Ina sauran y’an ajin? Ni fa bana son makara, don haka dole a kiyaye…” shiru
na masa don bani da nutuswar da zan iya cigaba da amsa masa. “Cigaba da karatunki…”
Ji na yi kamar na zunduma ihu. Ta ina zan iya karatu wallahi ba zan iya karatu daga
ni sai shi a yanayin da nake ciki ba… d’ago ido ya yi ya d’an kalleni ya sake furta
“Cigaba na ce….” Ji na yi kamar na zunduma ihu. Allah ya taimake ni sai ga Asma ta
ranga’da sallama cak ta tsaya ganin sabon Malamin. Gaisheshi ta yi ya amsa mata
yana d’an tsuke fuska. “Kin makara ki juya…” Da sauri ta ce “Wallahi Malam ba
makara na yi ba, na je duty ne ka tambayi AYSHA ma ka ji…” “AYSHA?”